l dey pack go

Join me there
 I dey pack go the new Nigeria.


 Light dey for more than a week now.I come dey pack the light store for travelling bags,say make l go give my papa and mama for village small inside.
As l say make l go visit my parents for my home town nah train l enter go.Nah train wey dey run well well ooh . 30 minutes I dey for my village. All the goodies l buy come for P.man and my mama full for my village.
They tell me say all the things we get for town dey plenty for village too.l bring out the light from my bag say make l plug am,naso my broda tell me say him to get plenty light way dey don keep for house.
As i say make l stroll enter village greet my people l see baba ajala dey use mechanized farming for him farm,mama juwo dey use gas to fry puff puff and akara for oja oba.

As l say make I open my phone nah so text messages just enter like water for job interviews for big big man company.
" Chai !!!nah me be this " nah so l shout ooh For télévision nah so all our religious leaders dey preach word of God for their followers and everybody dey live in peace.

 Schools come dey regular well well , our youths come dey pass well well and nah so we dey chop plenty awards for oyinbo land for all the sectors of acada.

 See as food plenty for every where and youths come decisions say dey they no dey go oyinbo land again,say nah for our naija dey go waka come chop all the goodies of life.

Oooh nah for where dis mosquito come from?

As I say make l adjust my position for sleep nah so I wake to reality.
 Sweat full my body,l go check my phone nah caller tones sms full there. Ahh!!!where my travelling bag? Nah my old clothes full there come join with all the applications letters and C.Vs I don write tired.

 Abeg l wan pack go my dream naija ooh
 Make una no beg me ooh.
 Make una waka come join me for there.
 Laughing!!!

 Like, share and make comments if this write-up inspires you @Nafi's Random Musings@ www.nafisustain.com